Il-Kap tad-Delegazzjoni tal-Partit Nazzjonalista fil-Parlament Ewropew David Casa ltaqa’ mal-Kummissarju Ewropew Věra Jourová qabel iż-żjara tagħha f’Malta.
Il-Kummissarju Jourová se tkun f’Malta biex tinvestiga t-tħassib dwar is-saltna tad-dritt, kif ukoll dwar l-investigazzjoni fil-qtil ta’ Daphne Caruana Galizia.
“Is-sitwazzjoni li tinsab fiha s-saltna tad-dritt f’Malta għandha tiġi indirizzata. L-istituzzjonijiet Maltin għandhom jiproteġu ċ-ċittadini u mhux il-politiċi korrotti,” qal David Casa.
Lill-Kummissarju Jourová, l-MEP Casa ppreżenta l-konklużjonijiet tad-delegazzjoni tal-MEPs li nvestigaw is-saltna tad-dritt f’Malta.
