Barra l-Parlament, inġabru attivisti membri tal-Fondazzjoni Life Network kif ukoll ta’ għaqdiet oħra favur il-ħajja.
Barra l-Parlament huma mhux biss ġarrew messaġġi favur il-ħajja, iżda għamlu appelli tal-aħħar lill-politiċi biex jifhmu l-implikazzjonijiet tal-vot finali tal-lejla dwar l-emendi li jrid jagħmel il-gvern għal-liġi dwar il-protezzjoni tal-embrijuni.
Lill-membri parlamentari li kienu deħlin għal dan il-vot fil-Parlament, l-attivisti favur il-ħajja qassmulhom karti b’sett ta’ mistoqsijiet li l-għaqdiet favur il-ħajja qed jinsistu li għadhom ma ġewx imwieġba – fosthom mistoqsijiet dwar għaliex il-Gvern irid jagħmel liġi li twassal biex ikun hawn tfal li b’mod intenzjonat jitwieldu mingħajr omm jew mingħajr missier.
Fost il-Membri Parlamentari li ltaqgħu mal-attivisti fi triqthom lejn il-Kamra tad-Deputati għall-vot finali, kien hemm il-Kap tal-Oppożizzjoni Adrian Delia, li fil-jiem li għaddew kien fuq ta’ quddiemnett biex fil-Parlament, jagħti vuċi lill-ħajja umana.
FILMAT: Il-Kap tal-PN jiltaqa’ ma’ attivisti favur il-ħajja ftit qabel il-vot finali
