It-Tlieta waranofsinhar il-Forzi Armati ta’ Malta ġew msejħa fil-Mosta wara li raġel għeleb minn fuq il-pont fit-Triq il-Kostituzzjoni.
Il-każ seħħ għall-ħabta tal-4.30pm hekk kif membri mid-Dipartiment tal-Protezzjoni Ċivili, uffiċjali tal-Pulizija u tim mediku tal-ambulanzi – flimkien mal-FAM – ġew msejħa fuq il-post wara li għal xi raġuni mhux magħrufa anzjan spiċċa waqa’ minn għoli f’Wied il-Għasel.
Bil-għan li jsalvaw lill-vittma ġie msejjaħ ukoll ħelikopter tal-Armata sabiex niżlu għar-raġel.
Għaldaqstant inħolqot konġestjoni kbira tat-traffiku wara li inevitabbilment it-triq ingħalqet għal xi ħin.
Filwaqt li l-anzjan ittella’ b’suċċess mill-ħelikopter – huwa ttieħed Ta’ Qali fejn kien hemm ambulanza tistenna sabiex ħadet lill-vittma l-Isptar Mater Dei għal aktar kura.
Il-kundizzjoni tar-raġel għadha mhux magħrufa.
