Adrian Delia jerġa’ jagħti free vote; Joseph Muscat jibqa’ jirrifjuta
Minkejja l-protesti fl-opinjoni pubblika u l-pożizzjoni iebsa tal-Oppożizzjoni, il-Gvern baqa’ għaddej bil-liġi biex jiffriża l-embirjuni bl-emendi għal-liġi tal-IVF.
F’intervent qabel ittieħed il-vot, il-Kap tal-Oppożizzjoni Adrian Delia ddikjara li hu se jagħti l-vot ħieles, u stieden lill-Prim Ministru biex jagħmel l-istess. Il-Prim Ministru Joseph Muscat qal li l-emendi huma skont il-manifest elettorali li għandu l-maġġoranza.
Wara interruzzjoni ta’ żewġ minuti, l-Ispeaker Anġlu Farrugia qara l-vot b’34 deputat jivvutaw favur u 27 deputat jivvutaw kontra.
