Wara li sofrew telfa kbira fil-partita tal-ftuħ kontra r-Russja, aħbar oħra negattiva għat-tim tal-Arabja Sawdija. Dan minħabba l-ajruplan li t-tim nazzjonali kien se jivvjaġġa fuqu lejn Rostov. Il-plejers tal-Arabja Sawdija kienu se jibdew il-vjaġġ tagħhom biex jilagħbu llum kontra l-Urugwaj meta wieħed mill-muturi tal-ajruplan kellu ħsara li wasslu biex kien hemm sinjali ta’ ħruq.
Minkejja l-problemi, il-pilota, l-ekwipaġġ u l-iskwadra ma kellhomx problemi u t-titjira saret b’mod regolari. L-aħbar kienet konfermata mill-istess Federazzjoni tal-Arabja Sawdija b’komunikat fejn assiguraw lil kulħadd dwar il-kundizzjoni tal-plejers u l-passiġġieri l-oħra.
