Ufficjali tal-uffiċċju tal-Prim Ministru qed jibqgħu jaħarbu milli jagħtu informazzjoni dwar l-iskop taż-żjara fl-Awstralja tal-eks-kap ta’ CHOGM, Phyllis Muscat fi żmien il-vaganzi tal-Għid.
Il-Prim Ministru Joseph Muscat qal li d-delegazzjoni kienet tikkonsisti minn tliet segretarji tiegħu, fosthom Phyllis Muscat. Meta mistoqsi, Muscat irrifjuta jgħid x’kien xogħolha u għaliex żaret l-Awstralja.
Dan ħareġ fil-gazzetta Times of Malta, li tiddikjara li ma ngħatatx informazzjoni dwar kemm il-parteċipazzjoni ta’ Phyllis Muscat fid-delegazzjoni uffiċjali swiet lill-poplu Malti u Għawdxi.
Joseph Muscat qal li ż-żjara ta’ gimagħtejn saret biex jieħu sehem fil-ftuħ tal-logħob tal-Commonwealth fi Brisbane.
Dwar l-€143,000 li ntefqu fuq din is-safra, Muscat qal li l-flus kienu jikkonsistu fil-biljetti tat-titjira, l-akkomodazzjoni tal-lukanda, kemm tiegħu u tal-crew tal-PBS li akkumpanjah, u rigali li ngħataw lil persuni f’kariga għolja.
Il-Prim Ministru qal li l-ispejjeż ta’ martu relatati ma’ din is-safra tħallsu t-taxxa li jħallsu ċ-ċittadini Maltin.
