Il-Membru Parlamentari Ewropew Brittanniku Nigel Farage staqsa kemm hemm segwaċi tal-grupp terroristiku ISIS li daħlu fl-Ewropa grazzi għal uffiċjal f’Kastilja li jinsab akkużat li biegħ eluf ta’ visas għall-aċċess fl-Unjoni Ewropea fil-Libja.
Outrageous that the Maltese are selling EU visas in Libya. How many ISIS supporters are among that number? https://t.co/jIfX2OaKYv
— Nigel Farage (@Nigel_Farage) June 22, 2018
Din il-mistoqsija qamet wara li ħarġet pubblika allegazzjoni ta’ frodi ta’ visas mediċi fil-Libja mill-Konsolat Malti fi Tripli – b’total li jilħaq sa 88,000 visa mibjgħuha.
Il-ġimgħa li għaddiet quddiem il-Qorti f’Malta sar magħruf li hemm ħames Libjani lesti li jixhdu u jagħtu t-testimonjanza tagħhom dwar flejjes li ntalbu minn uffiċjal f’Kastilja, Neville Gafa, sabiex tinħarġilhom il-visa.
Ir-rekording li ġie ppubblikat mal-Libjani li jridu jitkellmu dwar l-allegata frodi ta’ Neville Gafa:
Iżda mhuwiex biss Farage li qed isegwi dan l-allegat bejgħ illegali ta’ visas minn uffiċjal f’Kastilja fil-Libja – anke l-Ewroparlamentari Slovakk u ċ-Chairman tal-Moviment Politiku Ewropew Kristjan, Branislav Skripek.
Skripek qal li hu jemmen li l-Gvern Malti u l-Pulizija qed jippruvaw jaħbu dan il-każ mifni illegalitajiet. Dan filwaqt li enfasizza li hu possibbli li minn dan il-bejgħ ta’ visas fil-Libja jista’ jkun li numru ta’ terroristi tal-ISIS kisbu l-permess biex jidħlu f’żoni Schengen u b’hekk ikollhom aċċess biex jidħlu f’numru ta’ pajjiżi Ewropej.
Waqt id-diskors tiegħu fil-Kumitat Parlamentari tal-Unjoni Ewropea dwar id-drittijiet ċivili, ġustizzja, u l-intern – saħansitra saret referenza għall-possibilita’ li qtil tal-ġurnalista Daphne Caruana Galizia hu marbut ma’ dan il-każ.
Aqra aktar:
FILMAT: Allegazzjonijiet serji ta’ frodi minn Kastilja fil-ħruġ tal-Visas
FILMAT: L-iskandlu tal-Visas jispiċċa fil-programm Porta a Porta
