Raġel ta’ 62 sena weġġa’ gravi wara li waqa’ għoli ta’ madwar sular ġo shaft ta’ blokka appartamenti.
L-inċident seħħ għall-ħabta tas-7 tal-Ġimgħa filgħaxija fi Triq ir-Rabat fiż-Żebbuġ, Għawdex u l-vittma huwa raġel ta’ nazzjonalità Ingliża.
Malli l-Pulizija kienu infurmati bl-inċident, marru fuq il-post membri tal-Protezzjoni Ċivili kif ukoll ambulanza li ħadet lir-raġel l-Isptar Ġenerali ta’ Għawdex fejn hemmek kien ċertifikat li qed isofri minn ġrieħi gravi.
Fi stqarrija l-Pulizija qalet li l-investigazzjonijiet tagħha għadhom għaddejjin.
