Lewis Hamilton reġa’ jinsab fil-quċċata tal-klassifika tas-sewwieqa wara li ddomina l-Grand Prix ta’ Franza biex kiseb it-tielet rebħa tal-istaġun. Il-Britanniku kien fl-aħjar forma tiegħu matul il-ġimgħa u wara li kien tajjeb fil-provi uffiċjali, beda t-tiġrija tajjeb u minn hemm ikkontrolla mingħajr diffikultà fejn ħalliet effett il-bdil li kien hemm fil-magna tat-tim.
Hu spiċċa qasam il-linja finali seba’ sekondi qabel Max Verstappen tar-Red Bull b’Kimi Raikkonen tal-Ferrari jkompli l-podju. Iċ-champion renjanti evita l-inċident li kien hemm warajh fil-bidu iżda spiċċa biex daħal f’Valtteri Bottas, biex dawwar il-karozza tal-Finlandiż li spiċċa b’puncture, bil-Ġermaniż bi problema fl-imnieħer tal-karozza.
Fl-istess waqt, Pierre Gasly tilef il-kontroll u daħal f’Esteban Ocon, biż-żewġ Franċiżi jispiċċaw barra. Wara li ħarġet is-Safety Car u kollox reġa’ ġie f’postu, Hamilton ikkontrolla t-tiġrija.
Din ir-rebħa ħabtet eżatt mal-107 sena anniversarju mit-twelid ta’ Juan Manuel Fangio, li kien l-aħħar sewwieq li rebaħ il-Grand Prix ta’ Franza għal Mercedes lura fl-1954.
Kif Spiċċaw
1. Lewis Hamilton 1:30:11.385
2. Max Verstappen +7.090s
3. Kimi Räikkönen +25.888s
4. Daniel Ricciardo +34.736s
5. Sebastian Vettel +61.935s
6. Kevin Magnussen +79.364s
7. Valtteri Bottas +80.632s
8. Carlos Sainz +87.184s
9. Nico Hulkenberg +91.989s
10. Charles Leclerc +93.873s
