Boris Cini, il-vittma li miet f’inċident b’mutur taħt il-mini tal-Università, kien deskritt minn ħbieb tiegħu bħala ‘bniedem ġentili u ċajtier’ li kien dejjem jilbes ‘daħka simpatika’.
Hu miet wara li kien involut f’inċident tat-traffiku l-Ħadd waranofsinhar fil-mini li jinsabu taħt l-iskatepark tal-Imsida. Mas-sewwieq kien hemm mara ta’ nazzjonalità Pollakka li skont l-aħħar aġġornament tal-Pulizija, qed issofri minn ġrieħi serji.
Boris, ta’ 43 sena, kien iċċertifikat mejjet l-isptar Mater Dei u mhux fuq il-post tal-inċident minkejja li fuq il-post, hu ngħata l-ewwel għajnuna f’tentattiv li ħajtu tkun salvata.
AĠĠORNATA: Sewwieq ta’ mutur jitlef ħajtu wara inċident fl-Imsida
Fost dawk li kitbu messaġġi sbieħ dwar il-ħajja ta’ Borsi Cini kien hemm Stephen Buhagiar, wieħed mill-fundaturi tal-paġna ta’ Facebook, u ko-awtur ta’ ktieb bl-istess isem, ‘People of Malta’. Messaġġ ieħor ta’ sogħba nkiteb mill-kantant Malti Ivan Grech li qal li m’għandu xejn għajr memorji sbieħ ta’ Boris – speċjalment il-mod kalm kif kien jgħix ħajtu.
Skont il-Pulizija, Boris kien joqgħod Ħal Balzan u allura ma setgħux jonqsu wkoll kummenti ta’ dieqa minn residenti Balzanin.
Sfortunatament, dan mhux l-ewwel vittma tat-toroq b’mutur. Fid-18 u d-19 ta’ Marzu li għadda, żewġ sewwieqa oħra tilfu ħajjithom: Giulio Baldacchino u l-għada, sewwieq ieħor li tilef ħajtu fi Triq il-Kosta.
https://www.facebook.com/photo.php?fbid=10156234083755726&set=a.132503865725.137972.576965725&type=3&theater
https://www.facebook.com/ivan.grech.12/posts/1834048599967126
