L-Uffiċju Meterjoloġiku fl-Ajruport Internazzjonali ta’ Malta ppubblika twissija ta’ ħabiet tax-xita bir-ragħad għall-kumplament tal-ġurnata.
Sa filgħodu, diversi lokalitajiet fil-gżejjer Maltin, speċjalment dawk fiċ-ċentru ta’ Malta, kienu diġà ntlaqtu minn ħalbiet tax-xita.
Skont il-paġna ta’ Facebook ‘Aġġornament tat-Temp’, Malta tinsab fin-nofs ta’ żewġ maltempati kbar ħafna li qed jimbuttaw lil xulxin b’mod li l-gżejjer Maltin mhux qed jinħakmu ħafna – madanakollu, skont l-istess paġna, l-iċken sħaba li tidħol, tħalli warajha x-xita.
Analiżi simili saret mis-sit www.firstmalta.com li rrappurtat li bassar ukoll xita bir-ragħad fuq il-gżejjer Maltin minħabba kuntrast fiċ-ċentru tal-Mediterran bejn massa ta’ arja kiesħa u arja sħuna.
Nhar il-Ħamis li għadda, xita qawwija f’partijiet ta’ Malta tat bidu għas-sajf ta’ din is-sena. Xita li kienet laqtet ħażin lil ħafna dilettanti tal-festi li kienu qed iħejju għall-festi ta’ tmiem il-ġimgħa li għadu kif intemm.
FILMAT: Suppost beda s-Sajf; ħsarat fl-armar tal-festa ta’ San Ġorġ
