Il-Portugall irriskjat li minn rebbieħa ta’ Grupp B tkun eliminata, iżda finalment ikkwalifikat bit-tieni post. Dan wara li spiċċat 1-1 kontra l-Iran. Il-Portugiżi kienu viċin li jispiċċaw l-ewwel fil-grupp wara li dehru li se jżommu għall-gowl mill-isbaħ ta’ Ricardo Quaresma qabel tmiem l-ewwel taqsima.
It-tim ta’ Fernando Santos seta’ jkun aktar komdu iżda fit-53 minuta, Cristiano Ronaldo ra l-penalty jkun salvat minn Beiranvand, penalty li kien ordnat wara konsultazzjoni mal-VAR.
L-Iran ġabet id-draw fit-93 minuta minn penalty ta’ KARIM ANSARIFARD wara li r-referee Enrique Caceres ikkonsulta mal-VAR. Ftit sekondi wara l-Iran setgħet skorjat il-gowl tal-kwalifikazzjoni iżda Mehdi Taremi xeħet barra minn pożizzjoni tajba.
