Tifel ta’ 12-il sena weġġa’ gravi wara li kien involut f’inċident tat-traffiku.
It-tifel kien passiġġier f’karozza misjuqa minn żagħżugħ ta’ 21 sena meta għal xi raġuni ħabtu żewġ karozzi – dik misjuqa miż-żgħażugħ u karozza oħra misjuqa minn raġel ta’ 44 sena.
Fil-karozza tat-tip Toyota Vitz, li fiha kien hemm it-tifel u ż-żagħżugħ, kien hemm ukoll passiġġiera mara. Ir-raġel ta’ 44 sena li kien qed isuq il-karozza l-oħra huwa residenti Birkirkara.
It-tifel ta’ 12-il sena, li huwa residenti Ħaż-Żebbuġ kellu jittieħed minn fuq il-post b’ambulanza lejn l-isptar Mater Dei fejn hemmek kien ċertifikat li weġġa’ gravi. Fi stqarrija, il-Pulizija qalet li għadha qed tinvestiga l-inċident li seħħ għall-ħabta tal-10 ta’ filgħodu.
