Hekk kif il-Ħadd filgħaxija tiġi fi tmiema l-maratona ta’ 53 siegħa f’logħob tal-volleyball, il-Kap tal-Partit Nazzjonalista Adrian Delia attenda d-Dar tal-Providenza.
Dan biex jesprimi l-appoġġ tiegħu lill-voluntieri waqt li ddiskuta ma’ Father Martin Micallef dwar il-ħidma imprezzabbli li ssir f’din id-dar.
Wara, hu iltaqa’ mal-parteċipanti tal-volleyball fejn filwaqt li awguralhom għall-kumplament tal-maratona, hu lagħab ma’ wieħed mit-timijiet. Minn naħa l-oħra, mat-tim oppost kien hemm il-kelliem tal-Oppożizzjoni għall-isport, Ryan Callus.
Iktar tard, huma ltaqgħu ma’ dawk preżenti u mar-residenti tad-dar innifisha.
Barra t-timijiet jilgħabu l-volleyball, fl-istess żona hemm ukoll diversi kantanti li taw divertiment għal dawk preżenti.
Wara, flimkien ma’ father Martin, Adrian Delia rrisponda t-telefonati tan-nies li kienu qed jgħatu d-donazzjonijiet tagħhom.
