Tifla ta’ erba’ snin tinsab fil-periklu tal-mewt wara waqa’ ta’ sular f’maħżen fi Triq il-31 ta’ Marzu 1979, fir-Rabat, Għawdex.
Il-każ seħħ is-Sibt għall-ħabta tas-siegħa ta’ waranofsinhar, bir-rapport jasal għand il-Pulizija wara li t-tifla ddaħħlet l-Isptar Ġenerali ta’ Għawdex għall-kura.
Dwar dan il-każ għaddejja inkjesta mill-Maġistrat Paul Coppini, bl-investigazzjonijiet li għadom għaddejjin.
