Tfajla weġġgħet gravi wara li kienet involuta f’inċident tat-traffiku lbieraħ fl-inħawi tas-Salib, ir-Rabat.
It-tfalja, li għandha 23 sena u hi mir-Rabat, kienet qed issuq karozza tat-tip Kia Mentor meta għal xi raġuni tilfet il-kontroll u baqgħet dieħla f’arblu tad-dawl. Il-każ seħħ fis-7:15pm.
Kawża tal-impatt, il-mara spiċċat maqbuda fil-karozza u kellhom jissejħu l-membri mid-Dipartiment tal-Protezzjoni Ċivili biex joħoġuha. It-tfajla ttieħdet l-isptar fejn ġiet iċċertifikata li qed issofri minn ġrieħi gravi.
L-investigazzjoni tal-Pulizija għadhom għaddejjin.
