SLIEMA FRANK SALT……………..7
NEPTUNES LEO VEGAS………….15
(2-2), (4-3), (0-5), (1-5)
Neptunes Leo Vegas se jilagħbu kontra Exiles fis-semifinali tan-knock-out wara li għelbu lil Sliema Frank Salt 15-7 f’logħba ta’ żewġ faċċati. Il-konfront kien missielet fl-ewwel parti tal-logħba, iżda fit-tielet sessjoni Neptunes iddominaw biex ġabu fix-xejn lill-avversarji.
Sliema kienu darbtejn minn fuq fl-ewwel sessjoni iżda Neptunes wieġbu fiż-żewġ okkażjonijiet. Neptunes marru 5-3 minn fuq fit-tieni sessjoni, iżda doppjetta ta’ Christian Presciutti u Nicholas Bugelli daħħlu lil Sliema 6-5 fil-vantaġġ fi tmiem it-tieni sessjoni.
Iżda t-tielet sessjoni kienet storja oħra hekk kif Neptunes iddominaw u prattikament poġġew idejhom fuq ir-rebħa. It-tim tal-Balluta skorja ħames gowls mingħajr risposta b’doppjetta ta’ Gabriel Pace, Niki Lanzon, Stevie u Jordan Camilleri.
Neptunes għalqu kull tama ta’ Sliema hekk kif komplew iżidu l-vantaġġ, b’Sliema mingħajr tama li jistgħu jsalvaw il-logħba. Stevie Camilleri rnexxielu jispiċċa l-aqwa skorer tal-logħba b’żewġ gowls oħra lejn it-tmiem.
Sliema: J. Sammut, J. Gabarretta (1), C. Presciutti (3), J. Saliba, M. Meli (2), K. Dowling, M. Spiteri Staines, D. Fenech, M. Cordina, J. Gambin, Z. Mizzi, N. Bugelli (1), Z. Sciberras
Neptunes: A. Borg Cole, N. Lanzon (2), K. Erdogan, G. Pace (2), P. Muslim (1), N. Zammit, S. Camilleri (5), J. Camilleri (2), J. Abela (1), M. Zammit (1), J. Muscat (1), J. Parnis
Referees: Massimo Angileri, Domenico Rotondano
SAN ĠILJAN TUM INVEST………9
SIRENS GREENTUBE……………..7
(2-2), (4-3), (1-0), (2-2)
San Ġiljan TUM Invest bdew jiddefendu t-titlu li rebħu s-sena l-oħra b’rebħa missielta fuq Sirens Greentube. Konfront li seta’ jmur kull naħa, b’San Ġiljan jużaw il-kwalità fit-tim favur tagħhom. Sirens żiedu fuq ir-rebħa kontra Valletta fil-kampjonat, bi prestazzjoni qalbiena li tawgura tajjeb għall-kumplament tal-kampjonat.
John Napier fetaħ l-iskor għal Sirens iżda San Ġiljan dawru l-iskor b’gowls minn Paulo Obradovic u Peter Borg, sakemm John Brownrigg ġab id-draw. Vantaġġ doppju għal San Ġiljan fit-tieni sessjoni sa tliet minuti u nofs minn tmiem is-sessjoni, iżda Sirens wettqu reazzjoni u sa tmiem it-tieni sessjoni naqqsu d-distakk għal 6-5.
It-tielet sessjoni baqgħet bilanċjata b’San Ġiljan jiskorjaw l-uniku gowl minn Paulo Obradovic. Sirens baqgħu fil-logħba f’din is-sessjoni fejn kellhom diversi okkażjonijiet ta’ skor u komplew jipprotestaw fuq ċertu deċiżjonijiet li marru kontrihom.
Ben Plumpton kabbar id-distakk għal tliet gowls fil-bidu tal-aħħar sessjoni, iżda penalty lejn nofs is-sessjoni skorjat minn Bicari u gowl ftit wara ta’ Edward Aquilina fetaħ il-logħba għal tmiem eċċitanti. Kien penalty ta’ Paulo Obradovic minuta u nofs mit-tmiem li għalaq il-logħba.
San Ġiljan: J. Tanti, P. Borg (1), A. Galea, B. Grech, C. Farrugia, M. Zammit (1), B. Plumpton (1), Da. Zammit, T. Said, P. Obradovic (4), P. Fava, D. Zammit (2), T. Micallef
Sirens: N. Grixti, P. Privitera, E. Aquilina (1), N. Bicari (2), M. Grech, I. Riolo, C. Mercieca, J. Sciberras, J. Napier (1), L. Falzon, L. Caruana, J. Brownrigg (3), G. Galea Curmi
Referees: Alex De Raffaele, Massimo Calabro
KO I DIVIŻJONI
TA’ XBIEX AMIGOS………………..6
BIRŻEBBUĠA FREEPORT………12
(4-2), (2-5), (0-4), (0-1)
Ta’ Xbiex: M. Vassallo, R. Greco, M. Manara, L. Hyzler, B. Cachia (1), K. Mock, G. Blundell, N. Dedovic (4), L. Galea, G. Sammut (1), K. Tanti, N. Saliba, A. Theuma
Birżebbuġa: D. Abela, M. Borg, N. Cassar (1), D. Pace Lupi (2), D. Brguljan (5), J. Rizzo Naudi, S. Vassallo, D. Cutajar (2), S. Micallef (1), M. Cutajar, M. Ortoleva (1), J. Zerafa Gregory
Referees: Ronnie Spiteri, Massimo Calabro
