Birkirkara kontra Balzan se tkun l-aktar logħba mistennija fl-ewwel ġurnata tal-Kampjonat BOV Premier, hekk kif illum telgħu l-poloz tal-Kampjonati tal-MFA. Iċ-champions Valletta se jibdew kontra Sliema Wanderers filwaqt li konfront ieħor li se jispikka hu dak bejn Ħamrun Spartans u Floriana.
Fost l-esperimenti li mistennija jsiru f’dan l-istaġun fil-Kampjonat Premier f’xi ġranet se jkun hemm tliet logħbiet konsekuttivi li jibdew fis-1.00pm, fit-3.00pm u fil-5.00pm rispettivament. F’xi okkażjonijiet fejn se jkun hemm logħba waħda mill-Kampjonat Premier il-Ġimgħa, jista’ jkun hemm logħba tal-Ewwel Diviżjoni qabilha.
Il-Bank of Valletta se jerġa’ jkun qed jisponsorizza l-kampjonat għall-14-il sena, fejn hu mistenni li tiġġedded ir-relazzjoni tal-Bank mal-MFA.
Il-Kampjonat Premier se jibda fis-17 ta’ Awwissu u jintemm fit-28 ta’ April. Il-partiti se jintlagħbu fil-Victor Tedesco Stadium, l-Istadium Nazzjonali, l-Istadium taċ-Ċentinarju u l-Hibernians Stadium. Il-Kampjonat tal-Ewwel Diviżjoni jibda fl-14 ta’ Settembru u jispiċċa fit-28 ta’ April. Il-logħbiet se jintlagħbu fil-Victor Tedesco Stadium u l-Istadium taċ-Ċentinarju.
Il-Kampjonat tat-Tieni Diviżjoni se jibda fit-8 ta’ Settembru u jintemm fl-20 ta’ April. Il-logħbiet se jintlagħbu fl-Istadium taċ-Ċentinarju, Victor Tedesco Stadium, Sirens Stadium u Luxol Stadium. Il-Kampjonat tat-Tielet Diviżjoni se jibda fil-15 ta’ Settembru u jintemm fl-14 ta’ April. Il-logħbiet se jintlagħbu fl-Istadium taċ-Ċentinarju, Sirens Stadium u Luxol Stadium. Għal dan l-istaġun, fiċ-Charles Abela Stadium mhux se jsiru logħbiet tat-Tieni jew tat-Tielet Diviżjoni.
L-ewwel ġurnata tal-Kampjonat BOV Premier
Mosta v St. Andrews
Qormi v Senglea A.
Tarxien R. v Gżira U.
Birkirkara v Balzan
Ħamrun S. v Floriana
Hibernians v Pietà H.
Sliema W. v Valletta
L-ewwel ġurnata tal-Kampjonat BOV I Diviżjoni
Żebbuġ R. v Żejtun C.
Pembroke A. v Gudja U.
Santa Lucia v Qrendi
Mqabba v Vittoriosa S.
Naxxar L. v Lija A.
San Ġwann v Swieqi
Sirens v Marsa
L-ewwel ġurnata tal-Kampjonat II Diviżjoni
Siġġiewi v Mellieħa
Marsaxlokk v Rabat A.
Fgura v Melita
Żabbar SP v Santa Venera L.
Birżebbuġa SP v Luqa SA
Mġarr U. v St. George’s
L-ewwel ġurnata tal-Kampjonat BOV III Diviżjoni
Għargħur v Xgħajra T.
Ta’ Xbiex v Mdina K.
Attard v Kirkop
Mtarfa v Dingli S.
Msida SJ v Marsaskala
Għaxaq v Żurrieq
