Furur fost il-partitarji Juventini għal dan l-akkwist
Real Madrid ikkonfermaw li l-internazzjonali Portugiż Cristiano Ronaldo ingħaqad uffiċjalment ma’ Juventus għas-somma ta’ madwar €100 miljun.
F’komunikat uffiċjali, Real Madrid qalu li aċċettaw ix-xewqa tiegħu li jsir dan it-trasferiment.
Il-Portugiż kien ilu 9 snin ma’ Real. Magħhom hu skurja 451 gowl f’438 partita. Ronaldo rebaħ ukoll il-Ballun tad-Deheb 4 darbiet ma’ Real.
Ronaldo hu rebbieħ ta’ 5 Champions League, erba’ minnhom ma’ Real Madrid u waħda ma’ Manchester United.
