Fl-ewwel sigħat ta’ dalgħodu t-tim nazzjonali Malti tal-Waterpolo ħalla pajjiżna u wasal f’Barcelona fejn se tkun qed tintlagħab it-33 edizzjoni tal-Kampjonat Ewropew hekk kif Malta se tilgħab fost l-aqwa 16 fl-Ewropa.
Dalgħodu t-tim kellu l-ewwel sessjoni ta’ taħriġ fil-Kumpless Bernat Picornell qabel sessjoni oħra llejla u tnejn oħra għada. It-Tnejn filgħodu ssir l-aħħar sessjoni ta’ taħriġ qabel l-ewwel logħba fl-10.15pm kontra l-organizzaturi Spanja, fejn qabel il-logħba ssir iċ-ċerimonja tal-ftuħ.
Intant illum, ir-referee Malti Massimo Angileri se jkun qed jikkontrolla l-ewwel logħba fil-Kampjonat Ewropew tan-nisa bejn l-Olanda u l-Kroazja, logħba li tibda fis-2.00pm.
