It-tim nazzjonali Malti kompla bil-preparazzjoni tiegħu f’Barcelona għall-ewwel impenn ta’ għada kontra l-organizzaturi Spanja. Sfortunatament it-kontinġent Malti kellu dewmien ilbieraħ filgħaxija u wasal lura fil-lukanda f’nofs ta’ lejl.
Huma kellhom ikunu fil-pixxina fl-10.00am minħabba li kellhom jieħdu xi ritratti uffiċjali u jieħdu l-akkreditazzjonijiet. Minħabba li kienu għajjiena, il-physiotherapist Edward Bonello ssuġerixxa li jitħarrġu fis-sessjoni ta’ filgħodu filwaqt li jaqbżu s-sessjoni ta’ wara nofsinhar biex ikunu jistgħu jirkupraw. Il-plejers Maltin ikomplu bit-taħriġ fis-7.00pm.
Malta tilgħab l-ewwel logħba tagħha kontra Spanja għada fl-10.15pm.
