Ritratti ppubblikati mill-ngo Open Arms juru l-katavri ta’ mara u tifel li allegatament tħallew imutu mil-Libjani li marru biex isalvawhom. Il-każ ħoloq furur kbir l-aktar fl-Ewropa fejn hu evidenti li s-saga tal-immigrazzjoni għadha ma spiċċatx.
Open Arms ippubblikat dawn ir-ritratti fuq Twitter, fejn jidhru żewġ katavri fil-baħar. Aktar tard, ixxandar ukoll filmat.
AKTAR KMIENI
Il-Gwardja tal-Kosta Libjana interċettat dgħajsa li fuqha kellha mal-158 immigrant irregolari li kien għadu kif telaq mill-kosta tal-Libja, f’direzzjoni lejn l-Ewropa.
Fil-grupp ta’ immigranti kien hemm 34 mara u 9 itfal.
Issa l-persuni kollha ttieħdu f’ċentru għall-immigranti f’Khoms, fejn ingħataw assistenza umanitarja.
Dalgħodu stess ħarġet l-aħbar li barra l-gżira ta’ Linosa seħħet traġedja oħra li fiha mietu erba’ immigranti.
