Ix-xogħol inħadem fl-Italja fuq disinn ta' Jeffrey Galea
Ftit jiem qabel il-bidu tal-Kwindiċina ta’ Santa Marija, fir-Rotunda tal-Mosta t-Tlieta filgħodu wasal l-irħam tal-artal mejda, is-sedja u l-ambone l-ġodda.
L-irħam inħadem fil-Provinċja ta’ Avellino, fl-Italja, mid-ditta Lo Conte Marmi, fuq disinn tal-artist Mosti, Jeffrey Galea.
Minn hemm beda l-proċess ta’ twaħħil biex b’hekk jitlesta fil-ħin għall-Ħruġ minn Niċċa tal-Vara Titulari ta’ Santa Marija nhar il-Ħadd filgħaxija.
