Lokali

Magħluqa għall-festa ta’ Santa Venera l-Bypass tal-Imrieħel u tal-Marsa

27 ta' Lulju 2018

Jekk fi tmiem din il-ġimgħa fi ħsiebek li ssuq filgħaxija ta’ min tieħu nota.

Dan hekk kif il-Pulizija qed tavża li s-Sibt, 28 ta’ Lulju, u l-Ħadd, 29 ta’ Lulju ser jingħalqu bosta arterji tat-traffiku sabiex tkun tista’ tinżamm il-wirja tan-nar tal-ajru marbuta mal-festa ta’ Santa Venera. Is-Sibt it-toroq ser jingħalqu mid-21.30 sal-23.30 sabiex il-jum segwenti ser jingħalqu mis-18.30 sal-22.30.

L-arterji prinċipali li ser ikunu magħluqa huma s-segwenti:

  1. Bypass tal-Mrieħel, direzzjoni lejn il-Marsa Bypass.
  2. Marsa Bypass, minn ma’ Triq Aldo Moro, Marsa, mit-telgħa biswit is-Sezzjoni tal-Kavallerija tal-  Pulizija.
  3. Marsa Bypass, direzzjoni lejn il-mina ta’ Santa Venera, kif ukoll fid-direzzjoni tal-Bypass tal-Imrieħel
  4. Triq Reġjonali, direzzjoni lejn il-Marsa Bypass (inklużi l-mini ta’ Santa Venera).
  5. Triq il-Kbira San Ġużepp, Santa Venera, kif ukoll parti mill-istess triq li tagħmel mal-Ħamrun.
  6. Triq il-Kanun, Santa Venera.

Għaldaqstant il-pubbliku huwa mħeġġeġġ jsib rotta alternattiva fost oħrajn minn Ħaż-Żebbuġ jew Birkirkara.