Sebastian Vettel kien l-aktar sewwieq fit-tieni sessjoni liberi tal-bieraħ, hekk kif ir-rivali tiegħu Lewis Hamilton u Mercedes sabuha diffiċli biex iżommu r-ritmu. Hamilton kien biss il-ħames l-aktar veloċi, pożizzjoni li okkupa anki fl-ewwel sessjoni, wara ż-żewġ karozzi tal-Ferrari u r-Red Bull.
Wara li Red Bull spiċċaw fuq quddiem fl-ewwel sessjoni, Vettel kien l-aktar veloċi fit-tieni sessjoni b’ħin ta’ 1:16.834. “Kienet waħda mill-aktar Ġimgħa solidi li kellna,” qal Vettel.
F’ċirkwit li għandu jkun favorevoli għal karozza Red Bull, Max Verstappen kien ftit anqas minn 0.1 ta’ sekonda wara Vettel, b’Daniel Ricciardo jtemm qabel Kimi Raikkonen.
“Il-karozza ħassejtha tajba u li tkun it-tieni l-aktar veloċi kienet bidu pożittiv għal tmiem il-ġimgħa. Għad fadal fejn nitjiebu iżda qed nistenna kompetizzjoni missielta waqt il-provi uffiċjali,” qal Verstappen.
Lewis Hamilton qal li kien mistenni li l-Ferrari u r-Red Bull ikunu aktar veloċi minnhom. Hu qal li t-tyres kienu qed jisħnu u l-akbar problema hi li jieħdu ħsieb it-tyres ta’ wara.
Kif Spiċċaw it-tieni sessjoni
1. Sebastian Vettel Ferrari 1:16.834
2. Max Verstappen Red Bull + 0.074
3. Daniel Ricciardo Red Bull + 0.227
4. Kimi Raikkonen Ferrari + 0.319
5. Lewis Hamilton Mercedes + 0.753
6. Valtteri Bottas Mercedes + 1.034
7. Romain Grosjean Haas + 1.231
8. Carlos Sainz Renault + 1.661
9. Pierre Gasly Toro Rosso + 1.684
10. Esteban Ocon Force India + 1.927
11. Sergio Perez Force India + 2.016
12. Fernando Alonso McLaren + 2.023
13. Kevin Magnussen Haas + 2.046
14. Nico Hulkenberg Renault + 2.079
15. Brendon Hartley Toro Rosso + 2.082
16. Marcus Ericsson Sauber + 2.209
17. Charles Leclerc Sauber + 2.303
18. Lance Stroll Williams + 2.811
19. Stoffel Vandoorne McLaren + 2.878
20. Sergey Sirotkin Williams + 2.936
