It-tennista Amerikana Serena Williams sofriet l-akbar telfa fil-karriera tagħha wara li tilfet kontra Johanna Kontra 6-1, 6-0. Konta li tinsab fit-48 post fir-rankings tad-dinja, kellha bżonn anqas minn siegħa biex kwalifikat għat-tieni rawnd tas-Silicon Valley Classic.
Serena Williams rebħet l-ewwel logħba tal-ewwel set iżda minn hemm Konta rebħet kull logħba biex għalqet l-ewwel set 6-1. It-tieni set kien agħar, b’Konta tirbaħ żewġ logħbiet li kellha s-service mingħajr ma tilfet biex rebħet fi 53 minuta.
Williams li għandha 36 sena, kellha seba’ double faults u 25 unforced errors. Wara l-partita, Williams qalet li tant għandha ħafna affarijiet fuq moħħha li ma għandix ħin biex taħseb fuq it-telfa. “Evidentament waslet meta jien ma kontx fl-aqwa tiegħi. Nista’ biss inkompli nissielet, dak li qed nagħmel brra l-court. Irrid nieħu dak li hemm pożittiv,” kompliet Williams. Hi qalet ukoll li probabbilment din kienet l-aħjar logħba ta’ Konta fl-aħħar sena u nofs
