Dan huwa t-tieni persuna li nstab mejjet illum
Fl-aħħar ħin, għadu kif instab katavru ta’ raġel f’San Ġiljan. Skont l-aħħar rapporti, ir-raġel nstab bla ħajja mal-art fi Triq Santu Wistin f’Paceville.
Il-Pulizija sabu l-katavru għall-ħabta tat-2.45 ta’ waranofsinhar, b’sorsi fil-midja jgħidu li huwa Ingliż ta’ 36 sena. Il-Pulizija qalu li jista’ jkun każ ta’ overdose ta’ droga.
Fuq il-post issejħet ambulanza iżda r-raġel kien iċċertifikat mejjet fuq il-post.
Dan huwa t-tieni katavru li nstab illum, wara l-qtil ta’ Shannon Mak, Olandiża ta’ 30 sena, li nstabet mejta dalgħodu f’Santa Venera.
Aktar dettalji fil-ħin li ġej.
