Jispiċċa fir-4 post u jirbaħ $20,000
Il-Malti Kurt Fenech ġie eliminat fis-semi-finali tat-Tazza tad-Dinja tal-FIFA Playstation kontra Mosaad Aldossary tal-Arabja Sawdija, b’dan tal-aħħar isir Champion tad-Dinja bir-rebħ tal-finali.
Għal Fenech dan kien suċċess enormi. Ir-raba’ post f’din il-kompetizzjoni fisser li hu rebaħ premju ta’ kważi $20,000.
F’disa’ partiti, Fenech skurja xejn anqas minn 72 gowl.
Il-plejer mis-Sawdi rebaħ iż-żewġ partiti li kellu fil-finali bi skor ta’ 2-0.
Il-finali ntlagħbet fuq il-palk ċentrali tal-02 Arena, fil-kapitali Ingliża Londra.
Il-kompetizzjoni mondjali tal-FIFA Playstation kellha aktar minn 20 miljun parteċipant minn madwar id-dinja.
