BIRKIRKARA…………….. 1 BALZAN……………………. 0
Birkirkara: K. Naumovski, A. Chapoval Azavedo, M. Andelkovic, P. Fenech, J. Grech (G. Zammit 87’), K. Zammit, E. Ferreira Dos Santos, C. Attard, H. Franca De Siqueira, T. De Souza De Brito (E. Herrera 81’), M. Basrak (T. Agius 65’)
Balzan: S. Sultana, J. Grioli, N. Sljivic, S. Bezzina (R. Correa Duarte 61’), M. Johnson, A. Effiong, U. Ljubomirac, E. Serrano Valero, E. De Fiori Mendes, B. Kaljevic (L. Micallef 70’), M. Lepovic (S. Cipriott 79’)
Referee: Stefan Pace
Assistenti Referees: Luke Portelli, William Debattista
Skorja: J. Grech 15’ pen (Bi)
Imwissija: M. Basrak, P. Fenech, T. Agius, K. Zammit (Bi), E. Serrano Valero, M. Lepovic (Ba)
Tkeċċa: R. Correa 91’ (Ba)
In-Nazzjon Plejer tal-logħba: Jake Grech (Birkirkara)
Attendenza: 703
Birkirkara bdew l-istaġun fuq nota pożittiva meta għelbu lil Balzan 1-0 f’konfront dirett bejn żewġ timijiet li mistennija jisfidaw għar-rebħ tal-kampjonat.
Balzan dehru aħjar fl-ewwel minuti tal-logħba fejn ħadu kontroll ta’ nofs il-grawnd u kellhom azzjoni tajba mitmuma b’daqqa ta’ ras ta’ De Fiori Mendes salvata mill-gowlkiper Karkariż.
Mal-kwarta logħob Birkirkara ngħataw penalty għal kuntatt bejn Grioli u De Brito u mill-ħdax-il metru JAKE GRECH spara fix-xibka. Żewġ minuti wara ċans tad-deheb għal Balzan b’azzjoni ta’ De Fiori Mendes li qassam lejn Kaljevic li b’lasta vojta quddiemu xeħet barra.
Il-logħba issa saret iktar bilanċjata u kien hemm tentattivi mill-bogħod ta’ Lepovic għal Balzan u De Brito għall-Istripes. Fis-27 minuta azzjoni tajba ta’ Ljubomirac fuq il-lemin fejn qassam lejn Effiong li ra x-xutt bomba tiegħu imblukkat minn Attard. Fit-33 minuta minn azzjoni ta’ korner id-daqqa ta’ ras ta’ Azevedo għaddiet ftit għoli.
Tliet minuti mill-ftuħ tat-tieni taqsima Balzan għal ftit m’għamlux l-iskor indaqs meta xutt b’saħħtu ta’ Grioli kważi qarraq għal kollox b’Naumovski.
Minuta wara, xutt mill-isbaħ ta’ Lepovic u risposta daqstant ieħor effettiva u brillanti ta’ Naumovski. Birkirkara kkontrollaw tajjeb l-attakki mingħajr wisq ideat ta’ Balzan, li bdew l-istaġun kif temmew dak li ntemm f’April, jiġifieri b’telfa forsi ftit mistennija.
