Nirien ħakmu Il-Maqluba, iż-żona protetta għas-siġar f’art meqjusa bħala żona speċjali għall-konservazzjoni internazzjonali ta’ importanza. Membri tal-Protezzjoni Ċivili flimkien mal-Awtorità għall-Ambjent u r-Riżorsi ilhom għall-aħħar jiem jaħdmu sabiex jikkalmaw in-nirien.
Skont stqarrija sar magħruf li l-uffiċjali ta’ infurzar tal-Awtorità għall-Ambjent u r-Riżorsi spezzjonaw iż-żoni għal diversi drabi – filwaqt li l-uffiċjali tal-Protezzjoni Ċivili komplew jiġġieldu n-nirien anke fl-aktar żoni inaċċessibbli.
Fl-istqarrija maħruġa mill-istess awtorità sar magħruf li skont l-ewwel indikazzjonijiet jidher li diversi siġar protetti sfaw maħruqa – iżda sorsi li jafu l-post fejn inħaraq sew qalu li probabbilment leħqu għajjew in-nirien pjanti tat-tip tal-Qasba il-Kbira li nħarqu minflok. Għalhekk, jista’ jkun li din il-pjanta invażiva salvat is-siġar protetti.
Madanakollu, l-uffiċjali qalu li l-ħsara li saret tista’ biss tkun konfermata meta n-nirien jintefgħu kompletament.
Bħalissa għaddejja investigazzjoni mill-Pulizija u d-Dipartiment tal-Protezzjoni Ċivili sabiex isir magħruf x’kien li kkawża n-nirien. Hemm suspetti li n-nar tal-ajru kien il-kaġun tal-ħruq, u għalhekk qed jipprova jiġi aċċertat il-post minfejn ittella’ dan in-nar tal-ajru.
