TARXIEN R…………….. 1 GŻIRA U…………………. 4
Tarxien: A. Cassar, M. Brincat, D. Zerafa, L. Grech, S. Radovanovic, M. Spiteri, A. Agius, A. De Barros, M. Ciantar (A. Nilsson 74’), R. Faria, M. Paolucci
Gżira: J. Haber, N. Muscat, D. Mambouana, C. Gatt Baldacchino, R. Soares, T. Veronese (S. Borg 78’), Z. Scerri (L. Moad 90’), E. Bilbao Zarate, A. Cohen (L. Brincat 87’), J. Corbolan, A. Samb
Imwissija: A. Cassar 15’, A. De Barros 29’, A. Agius 34’, D. Zerafa 60’ (T), R. Soares 56’, J. Corbolan 64’ (G)
Skorjaw: A. Samb 16’ pen, 61’ pen, E. Bilbao Zarate 43’, D. Mambouana 73’ (G), M. Spiteri 52’ (T)
Referee: Matthew Degabriele
Assistenti Referees: Edward Spiteri, Roberto Vella
Il-Mument Plejer tal-logħba: Edison Bilbao Zarate (Gżira United)
Attendenza: 327
Żewġ gowls kull taqsima taw bidu b’saħħtu lil Gżira United li għelbu lil Tarxien Rainbows 4-1. Gżira anki jekk mingħajr Roderick Briffa u Jorginho, urew li għandhom biżżejjed materjal li jisfidaw fl-ogħla postijiet. Huma kkontrollaw il-logħba u meta Tarxien daħlu fil-logħba, għarfu mill-ewwel jagħlquha.
Gżira fetħu l-iskor fis-16-il minuta meta Andrew Cohen twaqqa’ minn Andrea Cassar fil-kaxxa, bir-referee Matthew Degabriele jordna penalty li minnu AMADOU SAMB skorja b’xutt ċentrali fil-baxx. Żewġ minuti wara Samb resaq viċin it-tieni gowl b’xutt djagonali li għadda ftit barra.
Il-Maroons irduppjaw fit-43 minuta meta EDISON BILBAO ZARATE ħa vantaġġ minn nuqqas ta’ attenzjoni fid-difiża avversarja u skorja b’xutt għar-rokna. Qabel tmiem l-ewwel taqsima, l-istess Zarate prova b’mossa akrobatika li spiċċat ftit barra.
Tarxien bdew aħjar it-tieni taqsima u meritatament daħlu fil-logħba fit-52 minuta meta Michele Paolucci qassam lejn MATTHEW SPITERI li b’xutt mill-ewwel fil-baxx għeleb lil Justin Haber.
Iżda Gżira reġgħu kabbru l-vantaġġ għal żewġ gowls fil-61 minuta meta ngħataw it-tieni penalty fil-logħba, din id-darba għal fawl ta’ Daniel Zerafa fuq AMADOU SAMB, bl-istess plejer jerġa’ jiskorja mill-11-il metru, din id-darba b’xutt għar-rokna leminija.
Samb mar qrib it-tripletta fis-67 minuta iżda ġie mċaħħad mil-lasta. Erba’ minuta wara, Andrew Cohen impenja lil Cassar b’xutt b’saħħtu, iżda t-tentattiv kien ċentrali u l-gowlkiper Tarxiniż salva. Il-gowl kien ġej u wasal fit-73 minuta bi kross ta’ Nikolai Muscat lejn id-difensur DESTIN PRINCE MAMBOUANA li minn quddiem il-lasta ma żbaljax għar-raba’ gowl.
