Kull sena, f’jum il-festa tal-Imġarr in-nies jinġabru fejn il-knisja sabiex jaraw offerti differenti tar-reffiegħa. Din it-tradizzjoni, li tmur lura snin twal, tikkonsisiti minn rappreżentanti tal-gruppi ta’ r-reffiegħa li joffru somma ta’ flus, u min joffri l-aktar jerfa’ fil-purċissjoni tal-vara ta’ filgħaxija.
Din is-sena l-akbar offerta laħqet l-€14,000 mill-grupp ta’ Wistin Vella, l-istess somma tas-sena l-oħra.
Minħabba l-fatt li din hija tip ta’ kompetizzjoni u jkun hemm ġabra ta’ nies jistennew ħerqana din l-attività, il-kappillan enfasizza fuq il-fatt li dan mhux irkant iżda għoti ta’ donazzjoni lill-Knisja u huwa tip ta’ karita’. Il-kappillan spjega wkoll l-istorja wara din it-tradizzjoni.
Għall-irfigħ tal-vara ta’ filgħaxija se jkun hemm 8 reffiegħa u 4 forċini. Kwart tas-somma miġbura ser tkun qed tmur għall-karita’.
