Raġel li sab ruħu f’diffikultà waqt li kien qed jgħum fil-Bajja tal-Armier ftit qabel nofsinhar ittella’ mill-baħar mitluf minn sensieh.
Persuni fil-post iddikjaraw li malli ttella’ mill-baħar minn dawk preżenti, fil-qrib inzerta kien hemm grupp ta’ infermieri u tabib mill-Isptar Mater Dei li għal kważi tliet kwarti taw l-ewwel għajnuna fil-post sakemm waslu membri tas-Salib l-Aħmar kif ukoll ambulanza biex hu ttieħed lejn l-isptar.
Persuni mill-post spjegawlna kif il-professjonisti mediċi fuq il-post, li jiffurmaw parti mis-CPR Team tal-Isptar Mater Dei għamlu minn kollox biex isalvaw ħajjet ir-raġel, iżda sfortunatament hu kien konfermat mejjet mal-wasla tiegħu.
Il-vittma hu Ingliż ta’ 76 sena.
