Nhar il-Ġimgħa li ġej, se jkun qed jinħaraq il-ballun (Shell of Shells) li oriġinarjament kien sar għall-għeluq tal-Valletta Pageant of the Seas iżda minħabba l-kundizzjonijiet tat-temp dakinhar ma kienx inħaraq u kien pospost għal data oħra.
Il-ballun, li huwa xogħol il-Kamra tan-Nar tas-Soċjetà Santa Katerina taż-Żurrieq, se jinħaraq minn fuq il-baħar permezz ta’ barkun li se jkun 3.3 kilometri ‘l bogħod mix-xatt ta’ Wied iż-Żurrieq u 3.3 kilometri ‘l bogħod minn Filfla.
Il-ħruq tal-ballun se jsir fl-10pm.
Bħal kull avveniment ieħor ta’ din ix-xorta, l-attività hi dipendenti minn kundizzjonijiet favorevoli tat-temp, filwaqt li saru studji, u se jiġu osservati l-aqwa prattiċi ambjentali matul l-attività kollha.
