Il-Birdlife qed toġġezzjona għall-ħruq tal-ikbar ballun pirotekniku (Shell of Shells) li se jinħaraq għada l-Ġimgħa fl-għaxra ta’ filgħaxija f’Wied iż-Żurrieq, qrib il-gżira ta’ Filfla li fiha tilqa’ għasafar li bħalissa jkunu qed iħejju il-bejta tagħhom. Birdlife qalet li din il-ħarqa se taffettwa tal-anqa tliet siti ta’ Natura 2000 u se ssir f’żewġ zoni protetti fil-baħar. Huma appellaw lill-ministru Herrera biex jintervjeni għaliex l-Awtorità għall-Ambjent u r-Riżorsi ma ppublikatx id-dokument dwar l-impatt u danni possibli li din il-ħarqa tista twassal.
