Rapport: George Cassar
PIETÁ H…………………… 1
BIRKIRKARA……………. 2
Pietá: J. Chircop St. John, T. Ose, J. Artiaga, C. Grech, Tony, A. Mizzi, D. Agius, J. Busuttil (N. Pisani 83’), G. Mensha (C. Bouvet 83’), S. Nakamura, P. Chimezie
Birkirkara: K. Naumovski, C. Attard, K. Zammit, D. Chapoval, Eduardo, P. Fenech, M. Andelkovic, Marcelinho (E. Herrera 87’), J. Grech (M. Basrak 61’), T. Esmerindo, M. Mifsud (T. Agius 79’)
Imwissija: S. Nakamura 21’, T. Ose 88’, Tony 90’ (P), P. Fenech 21’, C. Attard 21’, Marcelinho 51’, M. Andelkovic 86’ (B)
Tkeċċa: C. Attard 86’ (B)
Skorjaw: J. Busuttil 23’ (S), M. Mifsud 69’ (B), C. Attard 71’ (B)
Referee: Emanuel Grech
Assistenti Referees: Thomas Debono, Darko Stankovic
Il-Mument Plejer tal-logħba: Marcelinho (Birkirkara)
Birkirkara rkupraw gowl minn taħt b’żewġ gowls f’żewġ minuti f’nofs it-tieni taqsima u evitaw sorpriża minn Pietà Hotspurs biex b’hekk żammew il-punti massimi f’żewġ logħbiet.
Pietà Hotspurs taw prova li minkejja n-nuqqas ta’ esperjenza fil-Premier ta’ ħafna mill-plejers tagħhom, mhumiex inferjuri għat-timijiet l-oħra fejn wara li ġimgħa ilu kontra Hibernians sofrew il-gowl fatali fl-aħħar sekondi, ilbieraħ taw battikata anki lil Birkirkara.
Għalihom iddebutta l-eksdifensur ta’ Gżira United Tony Macedo Neto li ħa post Christian Degabriele fil-qalba tad-difiża. Fl-attakk Karkariż lagħab il-veteran Michael Mifsud minflok Milan Basrakli daħal jilgħab fit-tieni taqsima.
Pietà fetħu l-iskor f’nofs l-ewwel taqsima meta minn kross mix-xellug ta’ Gabriel Mensah, il-plejer tas-sena tal-Youths tal-MFA JAN BUSUTTIL skorja b’xutt fil-baxx fuq ix-xellug tal-gowlkiper Kristijan Naumovski. Qabel intemmet l-ewwel taqsima, il-gowlkiper żagħżugħ Jacob Chircop St. John kien protagonist meta wara kross ta’ Cain Attard, salva d-daqqa ta’ ras ta’ Michael Mifsud u rkupra mill-ewwel biex salva wkoll fuq Jake Grech.
Għoxrin minuta mit-tmiem, Birkirkara laħqu lill-avversarji meta l-kross ta’ Marcelinho mix-xellug qabeż lill-gowlkiper Jacob Chircop St. John bil-veteran MICHAEL MIFSUD ikun lest biex jitfa’ l-ballun fix-xibka. Inqas minn żewġ minuti wara l-Karkariżi reġgħu skorjaw. L-azzjoni bdiet minn korner ta’ Marcelinho mil-lemin bil-ballun jispiċċa b’xi mod għand Cain ATTARD li ma kellux diffikultà jiskorja minn qrib il-linja tal-gowl.
Kwarta mit-tmiem, minn kross ta’ Cain Attard mil-lemin, is-sostitut Milan Basrak daħal tajjeb iżda kien sfortunat li laqat biss il-lasta. Erba’ minuti mit-tmiem Birkirkara sfaw bi plejer inqas meta Cain Attard intwera t-tieni kara safra u l-ħamra meta ġie ġġudikat mir-referee li dam wisq biex ta throw-in u b’hekk id-difensur lemini issa se jitlef il-partita li jmiss kontra Valletta.
(Ritratti: Joseph Galea)
