Rapport: Keane Cutajar
BALZAN………………….. 4
QORMI……………………. 2
Balzan: S. Sultana, J. Grioli, D. Camilleri, A. Da Paixao Alves (L. Micallef 78’), M. Johnson, U. Ljubomirac, I. Bozovic, E. Serrano Valero, C. De Fiori Mendes (A. Effiong 61’), A. Majdevac, M. Lepovic (S. Cipriott 70’)
Qormi: J. Azzopardi, D. Mansi, Y. Yankam (M. Borg 64’), S. Kim, M. Micallef, M. Camilleri (L. Busuttil 70’), A. Abela (T. Gusman 63’), G. Gesualdi, A. Cassar, L. Adamec, K. Soares Mendonca
Imwissija: U. Ljubomirac 27’, M. Lepovic 33’, A. Da Paixao Alves 45’, S. Cipriott 90+3’ (B) K. Soares Mendonca 33’ (Q)
Skorjaw: C. De Fiori Mendes 41’ pen., Ivan Bozovic 56’, A. Majdevac 65’, A. Da Paixao Alves 75’ (B) L. Busuttil 71’, T. Guzman 90’ (Q)
Referee: Etienne Mangion
Assistenti Referees: Alan Camilleri, Chris Francalanza
Il-Mument Plejer tal-Logħba: Andrija Majdevac (Balzan)
Attendenza: 703
Balzan irritornaw għar-rebħ b’mod konvinċenti wara t-telfa li sofrew fl-ewwel ġurnata tal-kampjonat kontra Birkirkara filwaqt li t-tim immexxi min Brian Spiteri l-ewwel telfa tal-istaġun minn total ta’ żewġ partiti fir-ritorn tagħhom fil-Kampjonat Premier.
It-tim ta’ Marko Micovic fetaħ l-iskor erba’ minuti minn tmiem l-ewwel taqsima. Lubos Ademac waqqa lil Andrija Majdevac f’tarf il-kaxxa meta ftit li xejn seta’ kien hemm periklu għal Qormi. Mill-ħdax-il metru CARLOS DE FIORI MEDES tefa’ lil Jamie Azzopardi in-naħa l-oħra tal-ballun.
Tliet minuti wara, Balzan saħansitra setgħu għamluhom tnejn iżda minn qagħda komda fil-kaxxa Uros Ljuomirac ma ħax il-ballun kif xtaq u falla l-mira.
Fil-50 minuta Balzan reġgħu kienu traskurati quddiem il-lasti meta Da Paixao Alves u De Fiori Mendes ikkombinaw u ġabu lil Majdevac waħdu quddiem Azzopardi però xeħet barra. Milos Lepovic ittanta xortih minn barra il-kaxxa fl-54 minuta iżda sab lill-gowlkiper ta’ Qormi attent li niżel fil-baxx u dawwar f’korner.
Il-pressjoni ta’ Balzan sarrfet fil-vantaġġ doppju żewġ minuti wara meta minn pożizzjoni angolata IVAN BOZOVIC irnexxielu jdawwar fl-anglu, ballun li għadda minn taħt idejn Azzopardi, li forsi seta’ għamel aħjar.
(Ritratti: Joseph Galea)
It-tielet gowl wasal fit-65 minuta meta għal darba oħra l-attakanti ta’ Balzan nifdu d-difiża ta’ Qormi, din id-darba kien Ljubomirac li għadda lejn ANDRIJA MAJDEVAC li għadda minn ma’ Azzopardi qabel xeħet f’lasta vojta.
Qormi naqqsu d-distakk 19-il-minuta mit-tmiem meta indeċiżjoni fid-difiża ta’ Balzan waslet biex is-sostitut LUKE BUSUTTIL li kien għadu kemm daħal, sab ruħu f’pożizzjoni li minnha ma setax ifalli.
Id-distakk reġa’ kiber u prattikament ingħalqet il-partita erba’ minuti wara meta inqabdet id-difiża ta’ Qormi, Majdevac u ALEX DA PAIXAO ALVES spiċċaw waħedhom quddiem il-gowlkiper avversarju, wieħed għadda lill-ieħor u Da Paixao b’lasta vojta ma falliex. Qormi protestaw għal offside iżda l-gowl kien mogħti.
TENSIOR GUSMAN skorja l-gowl tal-bandiera fid-90 minuta b’daqqa ta’ ras minn mal-limiti tal-kaxxa ż-żgħira.
