L-Amerikan Ben King rebaħ ir-raba’ stadju ta’ La Vuelta hekk kif il-Pollakk Michal Kwiatkowski baqa’ fil-quċċata tal-klassifika ġenerali. King li għandu 29 sena rebaħ l-istadju ta’ 161km lejn Alfacar hekk kif għeleb lil Nikita Stalnov fl-isprint.
Il-Britanniku Simon Yates tela’ fit-tielet post fil-klassifika ġenerali, għaxar sekondi wara Kwiatkowski ta’ Team Sky. F’kummenti li għadda lil Eurosport, King qal li ma kienx qed jemmen li seta’ jirbaħ l-istadju sal-aħħar kilometru.
Stalnov u Jelle Wallays attakkaw bi 15-il kilometru għat-tmiem, qabel ma’ Wallays naqqas bi tmien kilometru għat-tmiem. Pierre Roland naqqas id-distakk qabel ma’ King qabeż lil Stalnov b’100 metru biex rebaħ f’erba’ sigħat 33 minuta u 12-il sekonda.
Ir-rebbieħ tal-2009 Alejandro Valverde hu r-raba’ 12-il sekonda mill-quċċata filwaqt li r-rebbieħ tal-2016 Nairo Quintana jinsab 33 sekonda mill-bogħod. L-erba’ darbiet rebbieħ tal-Grand Tour u r-rebbieħ tal-2010 Vincenzo Nibali tilef 11-il minuta u erba’ sekondi minn King.
Il-ħames stadju jieħu liċ-ċiklisti minn Granada lejn Roquetas de Mar fi stadju li hu twill 188.7km.
Kif spiċċaw ir-raba’ stadju
1. Ben King 4:33.12
2. Nikita Stalnov +0.02
3. Pierre Rolland +0.13
4. Luis Angel +1.08
5. Ben Gastauer +1.39
6. Jelle Wallays +1.57
7. Oscar Cabedo +2.24
8. Simon Yates +2.48
9. Emanuel Buchmann +2.50
10. Miguel Lopez +3.07
Klassifika Ġenerali
1. Michal Kwiatkowski 13:47.19
2. Emanuel Buchmann +0.07
3. Simon Yates +0.10
4. Alejandro Valverde +0.12
5. Wilco Kelderman +0.25
6. Ion Izagirre +0.30
7. Tony Gallopin +0.33
8. Nairo Quintana +0.33
9. Steven Kruijswijk +0.37
10. Enric Mas +0.42
