Dawn il-kaxxi ħomor għadhom simbolu tal-era Brittannika
It-telephone boxes tradizzjonali li huma ikoniċi tal-Belta Valletta se jiġu restawrati. Dan tħabbar mill-Awtorita’ tal-Ippjanar fi stqarrija.
B’kollox fil-kapitali hemm 11-il telephone box, ħafna minnhom mifruxa fi Triq ir-Repubblika u Triq il-Merkanti. Uħud minn dawn il-gabbani tat-telefown imorru lura għal żmien it-Tieni Gwerra.
Biex jiġu restawrati, dawn it-telephone boxes se jinqalgħu mill-Belt u jittieħdu f’post apposta fejn se jsir ix-xogħol.
