Il-Pulizija mill-ġdid qed tinvestiga raġel li nqabad jisraq diversi oġġetti minn sezzjoni ta’ oġġetti għall-kura personali f’ħanut.
Il-każ seħħ iktar kmieni llum, ftit qabel nofsinhar, bir-raġel jinqabad minn kameras tas-sigurtà tal-istess ħanut waqt li jiġbor l-oġġetti minn fuq l-ixkafef u jdaħħalhom fil-qalziet.
Net News hu nfurmat li dan hu l-istess raġel, Malti, li nqabad jisraq bl-istess mod għal diversi drabi, tant li biss biss dan l-istazzjon ħareġ mill-inqas żewġ filmati ta’ każi simili. F’wieħed minn dawn il-każi, informazzjoni li waslet għand dan l-istazzjon kienet li r-raġel spiss deher jgħix barra f’Birkirkara.
Hu kien inqabad fiż-żewġ każi preċedenti u għalhekk ir-raġel hu magħruf mal-Pulizija, għalkemm mhux magħruf x’azzjoni kienet ittieħdet.
