Il-Britanniku Simon Yates żamm fuq quddiem fil-klassifika ġenerali ta’ La Vuelta hekk kif il-Kanadiż Michael Woods rebaħ is-17-il stadju. Il-vantaġġ ta’ Yates tnaqqar bi tmien sekondi għal 25 sekonda, wara l-istadju twil 157 kilometru minn Getxo lejn Alto del Balcon de Bizkaia.
Wara t-tiġrija fit-triq Woods kien emozzjonat fejn iddeskriva ż-żmien diffiċli li għadda minnu wara li tilfu t-tifel tagħhom u qal lill-martu li ried jirbaħ għalih. Woods li s-sena l-oħra spiċċa fis-seba’ post, inqata’ bi 800 metru għat-tmiem biex kiseb l-ewwel rebħa fi stadju.
It-18-il stadju minn 21 isir illum fuq 186.1km minn Ejea de los Caballeros lejn Lleida, b’La Vuelta tintem il-Ħadd. Yates qed jimmira li jsir it-tieni Britanniku li jirbaħ La Vuelta wara li Chris Froome għamel dan is-sena l-oħra. Fuq in-naħa l-oħra, l-Ispanjol Valverde qed jimmira li jirbaħ għat-tieni darba wara li kien rebaħ fl-2009.
Kif spiċċaw is-17-il stadju
1. Michael Woods 4:09:48
2. Dylan Teuns +0.05
3. David De La Cruz +0.10
4. Rafal Majka +0.13
5. Ilnur Zakarin +0.38
6. Alessandro De Marchi +0.44
7. Amanuel Ghebreigzabhier +0.48
8. Jesus Herrada +0.51
9. Jai Hindley +0.55
10. Vincenzo Nibali +1.04
Klassifika Ġenerali
1. Simon Yates 69:05.34
2. Alejandro Valverde +0.25
3. Enric Mas +1.22
4. Miguel Angel Lopez +1.36
5. Steven Kruijswijk +1.48
6. Nairo Quintana +2.11
7. Ion Izagirre +4.09
8. Rigoberto Uran +4.36
9. Thibaut Pinot +5.31
10. Tony Gallopin +6.05
