Traffiku kbir fl-inħawi tal-Universita' u l-mini ta' Santa Venera
Sewwieq ta’ vann baqa’ dieħel fil-barrikati ta’ Triq Reġjonali, f’inċident li seħħ kmieni dalgħodu u li wassal biex fiz-zona inġema’ ammont kbir ta’ traffiku.
Fuq il-post issejħu l-Pulizija, membri tal-Protezzjoni Ċivili, u ambulanza b’tim mediku.
Il-Pulizija flimkien ma’ membri tal-Protezzjoni Ċivili kienu qed iwettqu ħidma sabiex il-vann jiġi rmonkat minn fuq il-barrikati.
Jidher li fl-inċident ħadd ma weġġa’ serjament.
Filwaqt li NET News jinsab infurmat li s-sewwieq huwa ta’ nazzjonalita’ barranija, min-naħa tagħhom, Il-Pulizija għadhom ma kkonfermawx din l-informazzjoni.
Aktar dettalji fil-ħin li ġej.
