Rapport: Keane Cutajar
HIBERNIANS…………………. 0 FLORIANA…………………….. 2
Hibernians: A. Hogg, D. Vella (T. Marcolino 57’), N. Radojevic, J. Mbong (B. Kristensen 64’), M. Dias (T. Tabone Desira 84’), J. Degabriele, I. Ntow, J. Bezzina, A. Agius, I. Blazevic, T. Fonseca
Floriana: I. Akpan, E. Ruiz, S. Pisani, I. Varela, M. Vella (D. Agius 70’), C. Conceicao, C. Failla, J. Pisani, J. Pisani, A. Cini, A. Oyama, E. Marcellina
Imwissija: S. Pisani 31’, A. Cini 58’, E. Marcellina 59’ (F) D. Vella 55’, J. Mbong 61’ (H)
Skorjaw: I. Varela 25′, D. Agius 71′ (F)
Referee: Philip Farrugia
Assistenti Referees: Luke Portelli, William Debattista
In-Nazzjon Plejer tal-Logħba: Johann Bezzina (Hibernians)
Attendenza: 678
Fir-ritorn tiegħu fit-tmexxija tal-klabb Furjaniż, il-kowċ Luis Oliveira akkwista l-ewwel rebħa staġjonali għal Floriana, bl-ewwel żewġ gowls tagħhom minn tliet logħbiet wara bidu pjuttost negattiv.
Kienet partita bilanċjata li iżda fiha tal-Pagun naqsu li jkunu perikolużi biżżejjed fl-aħħar fażi tal-grawnd li għal dan pattew bil-qares u sofrew l-ewwel telfa tal-isaġun wara li kienu ġejjin minn żewġ rebħiet.
L-ewwel azzjoni waslet wara disa’ minuti meta Johann Bezzina żmarka lil Isaac Ntow mal-linja b’passaġġ perfett, qabel dan tal-aħħar krossja fil-baxx fid-direzzjoni ta’ Dunstan Vella li kellu t-tentattiv tiegħu, li ħakkek mal-lasta, mdawwar f’korner. Ħames minuti wara, Andrew Hogg salva x-xutt minn barra l-kaxxa ta’ Maurizio Vella.
Floriana marru minn fuq fil-25 minuta meta kien Ignacio VARELA li bir-ras għola fuq kulħadd biex iltaqa’ ma’ kross mil-lemin wara xogħol tajjeb ta’ Steve Pisani u Alex Cini. Dan kien l-ewwel gowl ta’ Floriana dan l-istaġun.
Sekondi minn tmiem l-ewwel taqsima, Bezzina ttanta xortih minn barra l-kaxxa iżda kien żvinturat li ra l-ballun iħakkek mal-wieqfa.
Mas-siegħa logħob, Hibernians kellhom gowl imħassar ta’ Tiago Fonseca fuq senjalazzjoni ta’ ‘handsball’ fost il-protesti ta’ Hibernians. Żewġ minuti wara, Ini Akpan salva tajjeb fuq ix-xutt angolat tas-sostitut Taylon Marcolino li prova jdawwar fl-anglu wara li kien żmarkat minn Joseph Mbong.
Floriana rduppjaw fil-71 minuta b’gowl li jekk xejn, rari rajna bħalu fil-futbol Malti. Madwar 20 sekonda biss minn xħin daħal fil-grawnd, is-sostitut Daniel AGIUS, fl-ewwel darba li mess il-ballun, bi ġmiel ta’ xutt fl-anglu fuq il-ġirja minn barra l-kaxxa ħasad lil Hogg. Akpan salva tajjeb it-tentattiv minn barra l-kaxxa ta’ Jurgen Degabriele fit-86 minuta.
It-tim ta’ Raħal Ġdid naqas milli jidħol meta fl-aħħar sekondi tal-partita fallew penalty. Kien Pisani li waqqa’ lil Ntow fil-kaxxa u mill-11-il metru, Bezzina, li kien l-aħjar plejer fil-grawnd ra x-xutt tiegħu salvat minn Akpan li wkoll kellu partita tajba ħafna.
