Rapport: Keane Cutajar
SENGLEA A…………….. 0 BALZAN…………………. 5
Senglea: M. Farrugia, B. Muscat (S. Moccia 76’), F. Salvati, M. Guillari (K. Xuereb 67’), B. Volpini, B. Gonzalez, Z. Cassar, D. Buckle, K. Cutajar (M. Ivanovic 80’), R. Tcanturia, A. White
Balzan: S. Mintoff, D. Camilleri, N. Sljivic, A. Da Paixao, S. Bezzina (J. Grioli 67’), M. Johnson (S. Cipriott 67’), A. Effiong (S. Arab 67’), I. Bozovic, E. Serrano Valero, A. Mejdevac, M. Lepovic
Imwissija: M. Johnson 10’, N. Sljivic 54’, J. Grioli 75’, M. Lepovic 82’ (B) B. Muscat 62’, F. Salvati 70’ (S)
Skurjaw: A. Majdevac 25’ pen., 61’, M. Lepovic 42’, D. Camilleri 64’, Alex Da Paixao Alves 88’ pen. (B)
Referee: Matthew Degabriele
Assistenti Referees: Christopher Francalanza, Darko Stankovic
Il-Mument Plejer tal-logħba: Andrija Majdevac (Balzan)
Attendenza: 512
Balzan akkwistaw it-tieni rebħa konsekuttiva f’logħba li fiha ddominaw fil-maġġoranza tagħha fejn ukoll ma sofrewx gowl għall-ewwel darba f’dan l-istaġun filwaqt li għal Senglea din it-telfa fissret it-tielet waħda minn daqstant logħbiet.
L-ewwel azzjoni denja marret in-naħa ta’ Senglea fit-12-il minuta meta free-kick dirett minn pożizzjoni angolata tal-captain Ferdinando Salvati stampa mal-mimduda.
Fl-24 minuta Balzan ingħataw penalty meta Manuel Guillar deher iwaqqa’ lil Alfred Effiong fil-kaxxa. Mill-11-il metru, Andrija MAJDEVAC tefa’ il-ballun in-naħa l-oħra ta’ Matthew Farrugia. Tliet minuti minn tmiem l-ewwel taqsima, Ivan Bozovic daħal tajjeb minn mal-lemin qabel qata’ lura lejn il-kaxxa fejn jistenna kien hemm Milos LEPOVIC li spara fis-saqaf tax-xibka.
Appena fetħet it-tieni taqsima, Balzan għal ftit ma rduppjawx. Andrija Majdevac kien żmarkat tajjeb, għadda minn mal-gowlkiper u minn pożizzjoni angolata prova jitfa’ f’lasta vojta iżda sab lil Andre White li b’mod spettakolari dawwar il-ballun f’korner.
It-tielet gowl ta’ Balzan wasal fil-61 minuta meta reġa’ kien Bozovic bil-passaġġ għad-doppjetta personali ta’ MAJDEVAC li minn pożizzjoni komda fil-kaxxa xeħet ġewwa.
Tliet minuti wara, l-iskor kompla jikber, din id-darba kien Dale CAMILLERI li bil-kalma kollha ppożizzjona ruħu fil-kaxxa qabel tefa’ fl-angolu l-ewwel gowl tiegħu bil-flokk ta’ Balzan. Fis-87 minuta, Balzan ingħataw it-tieni penalty meta Romani Tcanturia mblokka l-ġirja ta’ Alex Da Paixao Alves fil-kaxxa. L-istess DA PAIXAO ALVES ma falliex biex għamilhom ħamsa.
Fl-aħħar sekondi tal-logħba, Sean Mintoff salva tajjeb dak li seta’ kien l-uniku gowl tat-tim tal-Isla.
