QORMI…………………. 2 PIETÀ H……………….. 2
Qormi: J. Azzopardi, M. Arrieta (M. Camilleri 64’), D. Mansi, Y. Yankam, K. Seo In (A. Cassar 72’), M. Micallef, G. Gesualdi, L. Adamec, K. Soares, I. Zammit, T. Gusman (A. Ferreria 77’)
Pietà: N. Vella, T. Ose, C. Degabriele (N. Pisani 82’), N. Pace Cocks (S. Nakamura 63’), D. Agius (A. Mizzi 62’), P. Chimezie, J. Busuttil, G. Mensah, C. Grech, I. Jalo, A. Machedo Neto
Imwissija: C. Grech 10’, D. Agius 41’, J. Busuttil 43’, I. Jalo 50’ (P), M. Camilleri 85’ (Q)
Skorjaw: M. Micallef 30’, T. Gusman 54’ (Q), A. Machedo Neto 39’, G. Mensah 89’ (P)
Referee: Jude Amin Utulu
Assistenti Referees: Duncan Sultana, Roberto Vella
Il-Mument Plejer tal-logħba: Iven Zammit (Qormi)
Gowl lejn it-tmiem ta’ Gabriel Mensah ċaħħad lil Qormi mit-tieni rebħa tal-kampjonat meta spiċċaw fi draw ta’ 2-2. Logħba li setgħet kienet differenti kieku skorjaw il-penalty lejn nofs it-tieni taqsima li kien jagħtihom vantaġġ doppju.
Mertu jmur għal Pietà li ġabu d-draw darbtejn fil-logħba, anki jekk kien hemm tim li kellu jirbaħ kien Qormi li kienu aktar insidjużi fl-aħħar terz tal-pitch.
Qormi fetħu l-iskor wara nofs siegħa meta Iven Zammit krossja mill-kaxxa lejn il-lemin fejn kien hemm MANOLITO MICALLEF li minn qagħda tajba għeleb lil Nicky Vella b’konklużjoni fil-baxx. Żewġ minuti wara l-iskor għal ftit ma sarx 2-0 b’Yannick Yankam jolqot il-wieqfa wara li l-ballun kien spiċċa għandu minħabba ħarġa ħażina ta’ Vella.
Iżda reazzjoni immedjata ta’ Pietà wasslet biex ġabu d-draw fid-39 minuta. Kien free-kick mix-xellug ta’ Neil Pace Cocks, daħal tajjeb ANTONIO MACHEDO NETO li b’daqqa ta’ ras stupenda għeleb lil Jamie Azzopardi.
Qormi reġgħu marru minn fuq fl-54 minuta b’xutt ta’ TENSIOR GUSMAN minn barra l-kaxxa li għeleb lil Nicky Vella. It-tim ta’ Brian Spiteri kellu opportunità tajba li jirdoppja l-iskor fit-62 minuta Jude Amin Utulu ġġudika li Antonio Machedo Neto waqqa’ lil Mario Arrieta fil-kaxxa. Iżda mill-penalty, l-istess Arrieta ra x-xutt fil-baxx tiegħu jkun salvat minn Vella.
Il-Qriema dehru fil-kontroll tal-logħba iżda Pietà rnexxielhom isalvaw il-logħba fid-89 minuta meta minn ballun fit-tul, GABRIEL MENSAH minn ħarġa ftit difettuża ta’ Jamie Azzopardi, antiċipa l-gowlkiper u skorja fil-baxx. Pietà kienu għoddhom skorjaw il-gowl tar-rebħa lejn it-tmiem permezz ta’ Paul Chimezie iżda l-gowl kien imħassar għal offside.
