MOSTA…………………………. 3 TARXIEN RAINBOWS……………………… 1
Mosta: A. Vella, A. de Cerchio, K. Hirose (K. Zammit 93’), R. De Oliveira, J. Brincat (D. Xuereb 55’), M. Sammartino, M. Miranda Gomez (J. Grech 90’), T. Farrugia, S. Bonnici, J. Cisotti, R. Romao
Tarxien: A. Cassar, J. Wemmer, R. Rogac, M. Paolucci, D. Falzon (J. da Paixao 56’) (M. Spiteri 76’), A. Agius, L. Grech, A. Scicluna, A. de Barros (M. Brincat 65’), R. Faria, A. Nilsson
Imwissija: A. Nilsson 36’, J. da Paixao 62’, M. Brincat 69’, R. Rogac 93’ (T), S. Bonnici 41’, R. de Oliveira 62’ (M)
Skorjaw: M. Miranda Gomez 18’, T. Farrugia 44’, J. Brincat 52’ (M), M. Paolucci 45’
Referee: Stefan Pace
Assistenti Referees: William Debattista, Theodore Zammit
In-Nazzjon Plejer tal-logħba: Kei Hirose (Mosta)
Mosta kisbu t-tieni rebħa fil-kampjonat f’konfront li fih skorjaw kontra x-xejra tal-logħob, iżda mat-tielet gowl ikkontrollaw il-logħba. Tarxien għandhom għaliex iħossuhom diżappuntati li ħarġu b’idejhom vojta minħabba li fl-ewwel taqsima kienu huma li qed jagħmlu l-logħba, iżda sofrew żewġ gowls kontra x-xejra tal-logħob li kkundizzjonaw il-logħba.
Tarxien bdew il-logħba fuq l-offensiva b’żewġ okkażjonijiet ta’ Alex Nilsson fl-ewwel kwarta li ħolqu periklu fid-difiża Mostija. L-ewwel xutt fid-disa’ minuta kien salvat u mal-kwarta logħob għeleb lil Andreas Vella iżda ġie mċaħħad mill-wieqfa.
Kontra x-xejra tal-logħba Mosta fetħu l-iskor żewġ minuti wara. Kien Renan De Oliveira li waqqa’ bir-ras lejn MISAEL MIRANDA GOMEZ li b’xutt mill-ewwel minn barra l-kaxxa għeleb lil Andrea Cassar. Tarxien kienu għoddhom ġabu d-draw man-nofs siegħa logħob iżda Michele Paolucci kien ġudikat li kien f’pożizzjoni ta’ offside.
Mosta rduppjaw fl-44 minuta meta minn korner, il-ballun spiċċa għand id-difensur TYRONE FARRUGIA li minn ftit passi bogħod irdoppja l-iskor. Tarxien daħlu fil-logħba immedjatament hekk kif eżatt qabel tmiem l-ewwel taqsima skorjaw b’azzjoni ta’ Michele Paolucci li ġibed il-ballun fuq il-lemin u għeleb lil Andreas Vella b’xutt fil-baxx.
Fl-ewwel taqsima, Tarxien kienu qed jattakkaw iżda Mosta skorjaw darbtejn, madankollu l-logħba ħadet żvolta fit-52 minuta meta Mosta għamluhom 3-1. Miranda Gomes għadda tajjeb djagonalment fil-kaxxa lejn JAMES BRINCAT li kkontrolla tajjeb u qabbeż fuq Cassar.
Wara dan il-gowl, Mosta kkontrollaw u saħansitra setgħu skorjaw ir-raba’ gowl fis-67 minuta meta Renan de Oliveira qassam lejn il-plejer tal-logħba Kei Hirose li daħal tajjeb fl-ispazju iżda x-xutt kien salvat tajjeb minn Andrea Cassar.
