Sampdoria u Fiorentina ħadu punt kull wieħed meta spiċċaw fi draw ta’ 1-1. Din il-partita kellha tintlagħab fl-ewwel ġurnata tal-kampjonat iżda kienet posposta minħabba t-traġedja tal-Pont Morandi li krolla ftit jiem qabel il-bidu tas-Serie A.
B’dan il-punt, iż-żewġ timijiet jinsabu fin-naħa ta’ fuq tal-klassifika b’seba’ punti, tnejn taħt Spal u Napoli u ħamsa taħt il-leaders Juventus.
Fiorentina fetħu l-iskor fit-13-il minuta meta mix-xellug Cristiano Biraghi sab lil GIOVANNI SIMEONE bi kross mill-isbaħ, bl-attakkant Arġentin itir minn tulu biex għeleb lil Bartlomiej Dragowski. Sampdoria ġabu d-draw mas-siegħa logħob meta GIANLUCA CAPRARI rċieva ballun fuq ix-xellug, ġibed għan-nofs u b’xutt sabiħ għar-rokna għeleb lil Emil Audero.
