Mara Brittannika kixfet is-sigriet ta’ kif suppost tinfetaħ cube tal-istock tal-OXO mingħajr ebda kumplikazzjoni – b’ġest sempliċi u b’mod aktar ħafif.
Kienet Janine Snowdon li kixfet dan kollu permezz ta’ messaġġ li tpoġġa fuq Facebook fl-aħħar ġranet – messaġġ li b’sorpriża għal ħafna spiċċa dar mal-erba’ kantunieri tad-dinja.
Snowdon temmen li qabel tiftaħ il-cube tal-OXO għandek tgħaffiġha bil-pala ta’ idejk, imbgħad tiftaħ il-foil minn naħa waħda. Fi kliem qasir, minn cube iġġibha sachet. Dan jagħmilha ferm aktar faċli milli tipprova tiftaħ il-cube tal-istock mit-truf.
F’kummenti li tat il-kumpanija li tipproduċi l-OXO intqal illi mhemmx mod wieħed biss ta’ kif tiftaħ dawn il-cubes. Li hu żgur hu, li dan il-post ta’ Snowdon fuq Facebook ġab miegħu mewġa ta’ kummenti u reazzjonijiet.
