Ġlieda li seħħet fil-port tal-Imġarr bejn operaturi rivali ta’ dgħajjes tad-divertiment għal Kemmuna ħalliet persuna b’diżabilità permanenti. L-inċident seħħ f’Lulju tal-2015.
Frank Buttigieg, ressaq kawża ċivili għad-danni kontra ż-żewġ kompetituri diretti tiegħu Paul u Joseph Buttigieg. Il-qorti semgħet kif sieheb Frank Buttigieg, Mario Buttigieg kien qed jitkellem ma’ grupp ta’ turisti li kienu għadhom kif waslu f’Għawdex biex jikkonvinċihom joħodhom lejn Kemmuna. Dak il-ħin Paul Buttigieg mar biex iħajjar lit-turisti joħodhom bid-dgħajsa tiegħu.
Frank Buttigieg wera d-diżapprovazzjoni tiegħu u kien f’dak il-waqt li Paul Buttigieg tah daqqa ta’ ponn. Joseph Buttigieg ingħaqad ma’ Paul Buttigieg u attakka lil Frank Buttigieg fuq wiċċu u kkaġunalu qatgħa kbira b’ċavetta.
“Konna tnejn kontra wieħed”, stqarr Frank Buttigieg fejn spjega kif irreaġixxa għar-reazzjoni vjolenti għal għarrieda fuqu. Paul Buttigieg qal li kien qed jipprova jilħaq ftehim mat-turisti meta r-rivali tiegħu tfaċċa, u ħeġġeġ lill-klijenti prospettivi jitkellmu dwar biljett foloz.
Il-Maġistrat Joanne Vella Cuschieri osservat li mhux biss Paul Buttigieg ta verżjonijiet differenti ftit wara l-inċident, iżda n-naħa tiegħu tal-istorja ma kinitx taqbel ma’ dik ta’ xhieda indipendenti.
Bħala riżultat tal-aggressjoni, il-vittma kienet meħtieġa tbiddel is-snien u sofriet farrett permanenti fuq il-wiċċ u d-driegħ tiegħu. Kif ukoll uġigħ kroniku u nuqqas ta’ saħħa fl-id il-leminija b’diżabilità permanenti ta’ 8%.
Fid-dawl tal-provi kollha mressqa, il-qorti kkonkludiet li Paul u Joseph Buttigieg kienu responsabbli għall-aggressjoni u ordnatilhom iħallsu danni ta’ iktar minn €16,000.
