PIETÀ H……………………………. 1 SENGLEA A………………………. 1
Pietà: N. Vella, T. Ose, T. Bartolo (J. Artiaga Roa 74’), D. Agius (J. Ghio 86’), P. Chimezie, J. Busuttil, N. Pisani (C. Bouvet 89’), C. Grech, S. Nakamura, I. Jalo, A. Macedo
Senglea: M. Farrugia, B. Muscat, F. Salvati, L. Grech (M. Bartolo 88’), M. Guillari, B. Gonzalez, Z. Cassar, F. Bramati, M. Garcia (K. Cutajar 78’), A. Caseres (K. Xuereb 82’), R. Tcanturia
Imwissija: D. Agius 81’, F. Salvati 90’ (P) M. Guillari 60’, L. Grech 66’, P. Chimezie 90’, R. Tcanturia 90’ (S)
Skorjaw: P. Chimezie 16’ (P) F. Salvati 83’ (S)
Referee: Fyodor Zammit
Assistenti Referees: Michell Scerri, Christopher Francalanza
In-Nazzjon Plejer tal-Logħba: Jan Busuttil (Pietà Hotspurs)
Rapport: Keane Cutajar
Fil-partita li fiha lagħbu l-aħħar tnejn tal-klassifika, Pietà Hotspurs akkwistaw it-tieni punt tal-istaġun filwaqt li Senglea Athletic ġabu l-ewwel punt tagħhom f’dik li kienet partita pjuttost kwieta. Iż-żgħażagħ ta’ Pietà kienu tajjeb tul il-maġġor parti tal-konfront iżda kellhom jbaxxu rashom għall-gowl lejn l-aħħar li wasal minn free-kick, biex b’hekk iż-żewġ timijiet ħarġu mill-grawnd b’punt kull wieħed.
L-ewwel azzjoni waslet wara kwarta logħob għal Pietà meta Paul Chimezie kien żmarkat tajjeb, għadda minn ma’ Ferdinando Salvati iżda sab lil Matthew Farrugia attent li mblokkalu tajjeb. Minuta wara, il-Hotspurs fetħu l-iskor permezz tal-istess PAUL CHIMEZIE li bir-ras iltaqa’ ma’ kross mil-lemin ta’ Jan Busuttil qabel niżżel il-ballun fix-xibka. Fis-26 minuta Nicholas Pisani għamel spazju għalih innifsu qabel ittanta xortih minn barra l-kaxxa, xutt li kien imdawwar f’korner minn Farrugia.
Żewġ minuti wara, Matias Garcia għamel l-istess fuq in-naħa l-oħra tal-grawnd iżda sab lil Nicholas Vella attent li salvalu f’żewġ tentattivi x-xutt ċentrali tiegħu.
Żball f’nofs il-grawnd ta’ Zachary Cassar wassal għal azzjoni li għal ftit ma sarrfitx fit-tieni gowl għat-tim ta’ Ramon Zammit, minuta minn tmiem l-ewwel taqsima. Minn nofs il-grawnd, Shunsuke Nakamura qaleb il-logħob lejn Busuttil li venven lejn il-lasti, xutt li stampa mal-wieqfa. Fis-56 minuta l-captain tal-Isla, Salvati prova free-kick dirett minn barra l-kaxxa iżda għalih inxteħet u salva l-gowlkiper ta’ Pietà.
Chimezie kien żvinturat ma għamilx id-doppjetta personali fis-70 minuta meta għadda tajjeb minn mad-difensur iżda waħdu mal-gowlkiper laqat biss il-wieqfa. Senglea ġabu d-draw fit-83 minuta bi free-kick perfett ta’ FERDINANDO SALVATI li spiċċa fir-rokna tax-xibka.
